Avropa Komissiyasının (AK) rəhbəri Ursula fon der Leyen noyabrın 11-dən 22-dək Bakıda keçiriləcək BMT-nin iqlim sammitinə getməyəcək. Bu barədə Reuters AK mətbuat xidmətinə istinadən məlumat yayıb .
Agentlik AK nümayəndəsindən sitat gətirir: “Avropa Komissiyası səlahiyyətlərin ötürülməsi vəziyyətindədir, ona görə də Avropa Komissiyasının rəhbəri öz institusional öhdəlikləri ilə məşğul olacaq”.
Hazırda Avropa Parlamentində yeni fon der Leyen Komissiyasında Avropa komissarları vəzifələrinə namizədlərlə bağlı dinləmələr keçirilir. Noyabrın sonunda qanunverici orqan AK-nin yeni tərkibini təsdiq etməlidir. O, dekabrın 1-dən vəzifəsinin icrasına başlayacaq. (Tass)