Almaniya prezidenti Frank-Valter Ştaynmayer Donald Trampı ABŞ prezidenti seçilməsi münasibətilə təbrik edib və əmin edib ki, Vaşinqton Almaniyaya güclü tərəfdaş kimi arxalana bilər.
Almaniya prezidentinin nümayəndəsi Kerstin Qammelin X sosial şəbəkəsində yazıb: “Almaniya prezidenti Frank-Valter Ştaynmayer Donald Trampı seçkilərdəki qələbəsi münasibətilə təbrik edib. “Transatlantik əlaqələr iki ölkə və qitələrimizin sabitliyi və rifahı üçün çox vacibdir”, – Ştaynmayer məktubda bildirib. “Münaqişələr və qeyri-müəyyənliklərlə dolu bu təlatümlü dünyada əməkdaşlığımız həm ikitərəfli səviyyədə, həm də NATO və BMT-də tərəfdaşlar kimi böyük dəyərə və gücə malikdir” Almaniya prezidenti deyib. (Tass)