Moldova Ukraynadakı münaqişə zamanı hava məkanının pozulmasına hazır olmaq üçün əlavə hava hücumundan müdafiə sistemləri almalıdır. Bunu respublika parlamentinin deputatı İnna Koşeru həftəsonu ölkənin şimal və cənubunda iki pilotsuz təyyarənin düşməsini şərh edərkən deyib.
“Biz bu vəziyyətlə üzləşməyə hazır olmalıyıq ki, bunlar bizim ərazimizə düşən ilk dronlar, dronların parçaları və ya raketlər deyil”.
Moldova prezidenti Maia Sandu dünən etiraf edib ki, keçən il Fransadan alınan hava hücumundan müdafiə radarları pilotsuz təyyarələri aşkar edə bilmir. Müxalifət də öz növbəsində konstitusiyasında neytrallıq statusu nəzərdə tutan ölkədə ağır böhran şəraitində hərbi texnikanın alınmasına görə hakimiyyəti kəskin tənqid edir.
Moldova Milli Polis Müfəttişliyinin noyabrın 10-da verdiyi məlumata görə, ölkənin şimalında və cənubunda düşmüş iki pilotsuz təyyarə aşkar edilib. Biri Moldovanın Kauseni şəhərinin Firladeni kəndi yaxınlığında, digəri isə Riscani rayonunun Yeni Boroseni kəndi yaxınlığında tapılıb. Polis kartondan hazırlanmış və partlayıcı ilə təchiz olunmayan pilotsuz təyyarələrin fotolarını yayıb. Moldova Xarici İşlər Nazirliyi pilotsuz təyyarələrin “Rusiya ərazisindən buraxıldığını” açıqlayıb. Departament hadisəni “dostluqdan kənar jest” adlandırıb. (Tass)