Avropa şirkətləri ticarət tərəfdaşlarına idxal rüsumları tətbiq etməklə hədələyən yeni seçilmiş prezident Donald Trampın hakimiyyətə gəlməsi ərəfəsində ABŞ anbarlarında ehtiyatlar yığır. Bu barədə Handelsblatt qəzeti yazır.
Onun sözlərinə görə, Avropa şirkətləri Trampın Aİ-yə qarşı mümkün tariflər tətbiqinin təsirini azaltmaq üçün müxtəlif strategiyalardan istifadə edir. Belə ki, Hollandiyadan olan açıqlanmayan yük maşını tədarükçüsü amerikalı müştərilərə sifariş yanvarın 20-də seçilmiş prezidentin andiçmə mərasimindən əvvəl verilərsə, 7%-ə qədər endirim təklif edir. Digər şirkətlər ABŞ anbarlarında inventar toplayır ki, bu da onlara bir müddət gömrükdən keçmiş malları satmağa imkan verəcək.
“Sənaye şirkətləri etiraf edirlər ki, ABŞ-da anbarlarda bu səviyyəli inventar 1980-ci illərdən bəri müşahidə olunmayıb. ABŞ-a mal ixrac edən Avropa şirkətlərinin üçdə biri hazırda öz səylərini anbar ehtiyatlarını genişləndirməyə cəmləşdirir”, – deyə Con Veqman bildirib.
Qəzetin alman iqtisadçılarına istinadən qeyd etdiyi kimi, Tramp Aİ-dən gələn mallara 10% rüsum tətbiq etsə, Almaniyadan ABŞ-a ixrac 15% azalacaq. Bu tədbirdən ən çox təsirlənənlər ümumi ixracının dörddə biri ABŞ-dan gələn əczaçılıq məhsulları, eləcə də maşınqayırma, avtomobil istehsalı, məişət texnikası və optik cihazlar istehsalçıları olacaq. (Tass)
