Fələstin prezidenti Mahmud Abbas Ramallahda Beynəlxalq Cinayət Məhkəməsinin (ICC) prokuroru Kərim Xan ilə görüş keçirib və o, Yaxın Şərqdəki münaqişə zonasındakı vəziyyət barədə məlumat verib.
WAFA xəbər agentliyinin məlumatına görə , Abbas “İsrail işğalçısının bu günlərdə Qəzza zolağında həyata keçirdiyi soyqırım və etnik təmizləmə aktlarına, həmçinin İsrailin Qüds də daxil olmaqla İordan çayının qərb sahilində davam edən qanun pozuntularına” işarə edib.
Prezident BCM prokurorunu “istintaqları sürətləndirməyə və Fələstin ərazilərində törədilmiş hərbi cinayətlərə görə məsuliyyət daşıyan İsrail hərbi cinayətkarlarına qarşı iş qaldırmağa” çağırıb. Abbas qeyd edib ki, bu cür cinayətlərə “mülki əhaliyə, xüsusən də uşaqlara, qadınlara və qocalara qarşı qəsdən hücumlar daxildir”.
Oktyabrın 7-də İsraillə münaqişənin kəskinləşməsindən bəri Qəzza zolağında ölənlərin sayı 16 mini ötüb, onlardan 6,5 mindən çoxu uşaq və 4,5 mindən çoxu qadındır. (Tass)