Amerika rəsmiləri hesab edirlər ki, yaxın 24-48 saat İran ətrafındakı vəziyyət üçün həlledici olacaq, çünki bu müddət ərzində Vaşinqtonun İsrailin hərbi əməliyyatına qoşulması ilə bağlı qərar verilə bilər. Bu barədə iyunun 17-də ABC News məlumat yayıb.
Qeyd olunduğu kimi, bu müddət ərzində Vaşinqton İranla münaqişənin diplomatik yolla həllinin mümkün olub-olmamasına qərar verə bilər, yoxsa ABŞ prezidenti Donald Tramp hərbi əməliyyatlara əl atmağa qərar verəcək. Telekanalın mənbələrinin bildirdiyinə görə, ABŞ hələ də Tehranı danışıqlar masasına qaytara və uranın zənginləşdirilməsindən tam imtinanı nəzərdə tutan sazişi imzalamağa məcbur edə biləcəklərinə inanır. (Tass)