Birləşmiş Ştatlar Amerika qüvvələrinin İraqda hava hücumları təşkil etdiyinə dair xəbərləri təkzib edib. Bu barədə cümə günü ABŞ Mərkəzi Komandanlığı məlumat yayıb.
Komandanlığın X (keçmiş Twitter) səhifəsində yerləşdirdiyi mesajda deyilir: “Biz ABŞ-ın bu gün İraqda hava hücumları təşkil etməsi ilə bağlı xəbərlərdən xəbərdarıq. Bu xəbərlər həqiqətə uyğun deyil. ABŞ bu gün İraqda hava hücumu həyata keçirməyib”.
Daha əvvəl Reuters mənbələrə istinadən xəbər verib ki, partlayış aprelin 19-da axşam saatlarında Bağdaddan 50 km cənubda şiə milislərinin Əl-Həşd əş-Şaabi qüvvələrinin istifadə etdiyi Kalsu hərbi bazasında baş verib. Onların məlumatına görə, bazaya hava zərbəsi endirilib. (Tass)