Fələstinin radikal HƏMAS hərəkatının hərbi lideri Yəhya Sinvarın günləri geridə qalıb. Bu sözləri ABŞ milli təhlükəsizlik üzrə köməkçisi Ceyk Sallivanın İsrailə səfəri ilə bağlı Amerika administrasiyasının yüksək rütbəli nümayəndəsi xüsusi telefon brifinqində deyib.
İsrailin Sinvarın çıxarılmasını Qəzza zolağındakı əməliyyatın əsas məqsədi edib-etməməsi ilə bağlı sualı cavablandıran rəsmi, “HƏMAS-ın hərbi lideri Yəhya Sinvara gəlincə, mən hesab edirəm ki, onun günlərinin sayılı olduğunu deyə bilərik” deyib.Onun sözlərinə görə, “nə qədər vaxt aparmasının əhəmiyyəti yoxdur”. (Tass)