ABŞ istərdi ki, Avropa dövlətləri də Vaşinqtona qoşularaq Çinin Rusiya neftini alması ilə bağlı ona əlavə rüsumlar tətbiq etsinlər, lakin ABŞ Avropa ölkələrinin belə bir addım atmağa hazır olduğuna əmin deyil. Bunu ABŞ-ın maliyyə naziri Skott Bessent deyib.
“Avropalılar bu ikinci dərəcəli tarifləri tətbiq etməyə hazır olmalıdırlar. Mən [ABŞ] prezidenti Donald Tramp ilə Kanadada G7-nin görüşündə idim və avropalılar senator [Lindsi] Qrem qanun layihəsi haqqında danışırdılar. Çinə 200 faiz ikinci dərəcəli tariflər tətbiq etməyə hazırsınızmı?’ Və bilirsiniz, o anda hamı ayaqqabılarına baxmağa başladı” Bloomberg TV-yə müsahibəsində deyib.
ABŞ maliyyə naziri əlavə edib ki, ABŞ və Rusiya prezidentləri Donald Tramp və Vladimir Putinin avqustun 15-də Alyaskada keçirilən görüşündən sonra Rusiya əleyhinə məhdudiyyətlər ya zəiflədilə, ya da sərtləşdirilə bilər. “Sanksiyalar gücləndirilə və ya zəiflədilə bilər, həmçinin onlar üçün yekun tarix təyin etmək də mümkündür, yoxsa qeyri-müəyyən müddətə tətbiq olunacaq”, – Bessent bildirib. (Tass)