Amerika Birləşmiş Ştatlarının hakimiyyət orqanları Atlantik okeanında əmələ gələn Beril qasırğasından zərər çəkə biləcək bölgələrə yardım göstərməyə hazırdır. Bu barədə Ağ Evin mətbuat xidməti məlumat yayıb.
“Prezident Co Bayden Puerto-Riko, ABŞ Virgin adaları və bütün region xalqını dəstəkləməyə hazırdır və regiondakı bütün ABŞ vətəndaşlarının təhlükəsizliyini təmin etməyə çalışacaq”, – bəyanatda deyilir. Ağ Ev qeyd edib ki, Vaşinqton administrasiyası yerli olaraq lazımi resursları əvvəlcədən hazırlayıb.
Bundan əvvəl Beril qasırğası Qrenadin arxipelaqındakı Karriaku adasını vurmuşdu . İyunun 30-da ABŞ Milli Qasırğa Mərkəzi qasırğanın əvvəlcə üçüncü, sonra isə dördüncü kateqoriyaya qədər gücləndiyini bildirib. (Tass)