Vaşinqton, Seul və Tokio tezliklə “KXDR-dən gələn nüvə təhlükəsi” ilə mübarizə üçün üçtərəfli təhlükəsizlik əməkdaşlığı sazişi imzalaya bilər. Cənubi Koreyanın müdafiə naziri Şin Von-sikin Bloomberg-ə verdiyi məlumata görə , razılıq gələn ilin yanvarında ABŞ prezidentinin andiçmə mərasimindən əvvəl əldə oluna bilər.
Nazir qeyd edib ki, bu məqsədlə ən qısa zamanda ABŞ və Yaponiyadan olan həmkarları ilə görüşməyi gözləyir. “Prioritet Cənubi Koreya, ABŞ və Yaponiyanın üzləşdiyi Şimali Koreyanın nüvə və raket təhlükəsinə daha effektiv, operativ və ardıcıl cavab sistemi yaratmaq olacaq”, – o deyib.
Daha əvvəl Yonhap agentliyi mənbələrə istinadən xəbər vermişdi ki, Rusiya prezidenti Vladimir Putinin KXDR-ə mümkün səfəri fonunda Koreya Respublikası, ABŞ və Yaponiya iyunun sonunda üçtərəfli hərbi təlimlər keçirməyi planlaşdırır. Tərəflər Amerikanın nüvə təyyarədaşıyan gəmisi Teodor Ruzveltin manevrlərdə iştirakını müzakirə edirlər. Təlimin vaxtı, miqyası və məzmunu hələlik tərəflər tərəfindən dəqiqləşdirilməyib. (Tass)
