Amerikalılar Respublikaçılar Partiyasından prezidentliyə namizəd Donald Trampa sui-qəsd cəhdindən sonra ABŞ Məxfi Xidmətinin işindən narazıdırlar. Bunu Gallup sosioloji xidmətinin dərc etdiyi araşdırmanın nəticələri sübut edir.
Respondentlərin yalnız 32%-i xüsusilə dövlətin yüksək vəzifəli şəxslərini, prezidentliyə namizədləri və keçmiş rəhbərləri müdafiə edən bu idarənin işini müsbət qiymətləndirir. Bu, son 10 ilin ən aşağı göstəricisidir. 2023-cü ildə respondentlərin 55%-i Məxfi Xidmətin işinə müsbət qiymət verib.
Sorğu sentyabrın 3-dən 15-dək 1 mindən çox amerikalı arasında aparılıb. Nəticələrdə səhv nisbəti 4 faiz bəndi olub. (Tass)