ABŞ dövlət katibi Antoni Blinken Almaniyanın vitse-kansleri, İqtisadiyyat və İqlim Mühafizəsi naziri Robert Habek ilə Ukraynadakı vəziyyəti və Yaxın Şərq böhranını müzakirə edib. Bu barədə Dövlət Departamentinin mətbuat xidmətinin rəhbəri Metyu Miller açıqlama verib.
“Katib Blinken və vitse-kansler Habeck Ukraynaya dəstək və Yaxın Şərqə davamlı sülh və təhlükəsizlik gətirmək üçün davam edən səyləri müzakirə ediblər”, – Miller deyib.
Görüş zamanı ABŞ xarici siyasət idarəsinin rəhbəri Berlini Vaşinqtonun əvəzsiz müttəfiqi və tərəfdaşı adlandırıb. “Biz qarşılaşdığımız demək olar ki, hər bir problemdə birlikdə çalışırıq. Biz buna görə daha güclüyük” deyib. (Tass)