Sadəcə olaraq nüvə başlıqlarının sayının artırılması ABŞ-a Rusiya və Çini eyni vaxtda cilovlamaq məsələsini həll etməyə imkan verməyəcək. Bunu ABŞ Energetika Nazirliyi yanında Milli Nüvə Təhlükəsizliyi Administrasiyasının (NNSA) rəhbəri Cil Hrubi deyib.
“Biz döyüş başlığı sayına və çəkindirməyə sinonim kimi baxa bilmərik. Biz [daha çox nüvə silahı] istehsal etməklə bu üçtərəfli təhlükəsizlik dilemmasından çıxa bilməyəcəyik. Nüvə silahlanma yarışı isə heç kimə yaxşı deyil”, – o deyib.
“Biz adi və nüvə [silahları], həmçinin kiberməkan da daxil olmaqla, çəkindirmə haqqında daha kompleks şəkildə düşünməliyik və USSTRATCOM-da (ABŞ Strateji Komandanlığı ) bu cür yeni iş məni heyran etdi” Hrubi qeyd edib.
O, Vaşinqtonun hazırkı vəziyyətdə hansı addımlar atmalı olduğu ilə bağlı auditoriyanın sualına birbaşa cavab verməyib. “Biz bunu hələ başa düşə bilməmişik, amma bilirəm ki, uzunmüddətli perspektivdə sadəcə olaraq çoxlu döyüş başlığı istehsal etmək uduş strategiyası kimi görünmür”, – NUSA rəhbəri vurğulayıb. (Tass)