Qəzza zolağında girovların azad edilməsinə dair razılaşma əldə olunarsa, anklavdakı vəziyyəti dəyişə və davamlı atəşkəsə gətirib çıxara bilər. Bunu ABŞ-ın BMT-dəki daimi nümayəndəsi Linda Tomas-Qrinfild deyib.
“Birləşmiş Ştatlar girovların evlərinə qayıtmasına nail olmaq üçün Qətər, Misir və digər regional tərəfdaşlarla yorulmadan çalışır… Bunlar çox həssas danışıqlardır. Mən təfərrüata varmayacağam, amma düşünürəm ki, hamımız razılaşa bilərik ki, bu girovların azad edilməsinə dair razılaşma yerdə vəziyyəti dəyişə bilər, tərəfləri hamımızın çox istədiyimiz davamlı döyüşlərin dayandırılmasına yaxınlaşdıra bilər”, o, BMT Təhlükəsizlik Şurasının iclasında çıxış edərkən deyib.
Amerika diplomatik missiyasının rəhbəri əlavə edib ki, müzakirə olunan saziş “güclü və inandırıcıdır”. Tomas-Qrinfild deyib: “Bu, noyabrdakından daha uzun humanitar fasilə nəzərdə tutur və bu, girovların azad edilməsinə və Qəzzaya daha çox qida, su və dərman çatdırılmasına imkan verəcək”. (Tass)
