ABŞ-ın NATO-dakı müttəfiqlərini qəbul etməyə çağırdığı Rusiyaya qarşı mümkün təzyiq tədbirləri arasında sanksiyalar, dondurulmuş suveren aktivlərin mümkün müsadirəsi və ticarət tərəfdaşlarına təzyiq daxildir, ABŞ-ın alyansdakı daimi nümayəndəsi Metyu Uitaker deyib.
Sloveniyanın Bled şəhərində keçirilən Beynəlxalq Strateji Forumun kənarında danışan o, ABŞ-ın NATO ölkələrini “Rusiyaya qarşı “istəklilər koalisiyası” və nəyin təsir rıçaqları yaradacağı üzərində işi davam etdirməyə” çağırdığını bildirib. Onun sözlərinə görə, “buraya sanksiyalar, mümkün aktivlərin müsadirəsi və Rusiyanın ticarət tərəfdaşlarına davamlı təzyiqlər daxildir”.
Avqustun 30-da Avropa diplomatiyasının rəhbəri Kaja Kallas bildirmişdi ki, Aİ ölkələrinin xarici işlər nazirləri 19-cu anti-Rusiya sanksiyalar paketi ilə bağlı heç bir praktiki qərar qəbul etməyiblər və müzakirələr bu həftə davam edəcək. (Tass)