İraq İslami Müqavimətinə aid şiə silahlı qruplaşmalarının döyüşçüləri günorta saatlarında Ərbilin inzibati mərkəzinin şimalında (Bağdaddan 425 km) ABŞ hərbi bazasına hücum ediblər.
Hərəkat sözçüsü Shafaq News portalına bildirib ki, “iki pilotsuz təyyarənin endirdiyi zərbələr nəticəsində bütün yerüstü hədəflər vurulub”.
Bundan əvvəl şiə qruplaşmalarının döyüşçüləri ABŞ-dan qoşunlarını İraqdan və Yaxın Şərqin digər ölkələrindən çıxarmağı tələb ediblər. İraq İslami Müqavimətinin nümayəndəsi Cəfər əl-Hüseyni deyib ki, “Amerika qoşunları dərhal bölgəni tərk etməlidir, əks halda onların bazalarına davamlı hücumlar olacaq”. Onun sözlərinə görə, “Mücahid birlikləri Qəzza zolağında fələstinli qardaşların tərəfində hərəkət edərək, onlara dəstək vermək üçün Amerika bazalarına hücumlarını istiqamətləndirib”.
Cümə axşamı Suriyanın şərqində fəaliyyət göstərən şiə döyüşçülər ABŞ-ın Həsəkə vilayətinin cənubundakı Əl-Şəddadidəki bazasına raket zərbələri endirib. Amerika hərbçiləri arasında itkilər barədə məlumat verilməyib. (Tass)