Birləşmiş Ştatların Ukraynaya münaqişənin gedişatını istədiyi səmtə yönəltməsinə imkan verəcək “sehrli güllə” yoxdur. Bu barədə jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Metyu Miller bildirib.
“Siz və mən artıq münaqişənin gedişatını dəyişdirə biləcək sehrli güllələr kimi qəbul etdiyiniz digər sistemlər və taktikalar haqqında danışmışıq. Amma düşünürəm ki, biz həmişə aydın olmuşuq ki, biz bunu belə görmürük”.
Miller əlavə edib ki, Vaşinqton Kiyevə göstərilən dəstəyə hərtərəfli baxır və tədarük edilən hər bir silah növünün döyüş meydanındakı vəziyyətə və bütövlükdə Ukraynanın strategiyasına necə təsir edəcəyini qiymətləndirir. (Tass)