ABŞ-ın Türkiyədəki səfiri, ABŞ-ın Suriya üzrə xüsusi nümayəndəsi Tom Barak Suriyanın müvəqqəti prezidenti Əhməd əl-Şara ilə görüşüb.
Görüş zamanı Barak qeyd edib ki, ABŞ-ın Suriyaya qarşı sanksiyalarının bu yaxınlarda ləğvi Vaşinqtonun regiondakı tərəfdaşlarına ölkəyə humanitar və maliyyə yardımı, eləcə də enerji resursları təqdim etməyə imkan verəcək. O vurğulayıb ki, Amerika administrasiyası Suriya hakimiyyətindən İslam Dövləti terror qruplaşması ilə mübarizəni davam etdirəcəyini gözləyir. “Mən həmçinin prezident [ABŞ Donald] Trampın xarici terrorçu döyüşçülər, İŞİD-ə qarşı mübarizə tədbirləri, İsraillə əlaqələr, Suriyanın şimal-şərqindəki düşərgələr və saxlama mərkəzləri ilə bağlı qaldırdığı məsələlərdə mənalı addımlar atdığı üçün prezident Əl-Şaraya təşəkkür etdim”, – Barak özünün X səhifəsində yazıb.
Mayın 14-də Tramp Ər-Riyadda əl-Şaraa ilə danışıqlar aparıb və bu, iki ölkə liderləri arasında 25 ildə ilk görüş olub. Amerika lideri bəyan edib ki, ölkəsi Hafiz Əsəd və oğlu Bəşər Əsədin hakimiyyəti dövründə Dəməşqə qarşı on illərdir tətbiq edilən sanksiyaları ləğv etməyə başlayacaq. (Tass)