Amerika administrasiyası hesab edir ki, İsrail Qəzza zolağında Rəfahı vurmaqla “qırmızı xətti” keçməyib. Bu barədə Amerikanın “Politico” nəşri Ağ Evin adının çəkilməsini istəməyən yüksək rütbəli məmuruna istinadən məlumat yayıb.
O, izah edib ki, Vaşinqtonun qiymətləndirmələrinə görə, İsrail ABŞ-ın xəbərdarlıqlarına “ümumiyyətlə qulaq asıb” və onun Rəfahdakı hərəkətləri “daha dəqiq və məqsədyönlü” olub. Nəşr qeyd edir ki, ABŞ səlahiyyətliləri açıq və özəl şəkildə “insidentin bütün dağıdıcı nəticələrinə baxmayaraq, Vaşinqtonun heç bir ciddi reaksiyasına səbəb olmayacağını açıq şəkildə bildirdilər”. Bu mövqe onu göstərir ki, Bayden administrasiyası Vaşinqtonun “bütün aspektləri ilə olmasa” belə, İsrailin hərbi əməliyyatının sonrakı irəliləyişinə mane olmayacaq. (Tass)