İsrailin Livandakı şiə Hizbullah hərəkatına qarşı hücumu İran və onun qolları arasında daha geniş münaqişə riskini artıra bilər. Reuters agentliyi istinadən xəbər verir ki, bu barədə bazar günü ABŞ-ın Birləşmiş Qərargah Rəisləri Komitəsinin sədri, general Çarlz Braun Kabo-Verdedə jurnalistlərə bildirib.
Generalın sözlərinə görə, yəhudi dövlətinin bu cür hərəkətləri və Hizbullahın mövcudluğuna təhlükənin yaranması ilə “daha geniş münaqişə ehtimalı arta bilər”. “Hizbullah” HƏMAS-ı ümumi potensialına, raketlərin sayına və sairlərinə görə üstələyir. Və sadəcə qeyd edərdim ki, İran, mənim fikrimcə, Hizbullaha daha çox dəstək verməyə daha çox meylli olacaq”, – deyə Braun əlavə edib və İsrailin gələcək addımlarını proqnozlaşdırmağı öhdəsinə götürmədiyini bildirib.
“Yenə də bütün bunlar regionda münaqişənin genişlənməsinə töhfə verə bilər və İsraili təkcə ölkənin cənubunda baş verənlərdən deyil, həm də şimalda baş verənlərdən narahat edə bilər”, – deyə general bildirib. Onun fikrincə, Hizbullahın kütləvi hücumu halında ABŞ üçün İsrailə özünü müdafiə etməkdə kömək etmək İranın yəhudi dövlətinə doğru pilotsuz təyyarələr və raketlər buraxdığı apreldə olduğundan daha çətin olacaq. “Bizim nöqteyi-nəzərimizə görə, qüvvələrimizin harada yerləşdiyini, Livan və İsrail arasındakı qısa məsafəni nəzərə alsaq, apreldə etdiyimiz kimi onlara dəstək vermək bizim üçün daha çətin olardı”, – Braun deyib. (Tass)