Birləşmiş Ştatlar Ukraynanın dünyanın digər regionlarındakı münaqişələrdə iştirakı fonunda ona hərbi yardımın nəqlini yenidən dayandıra bilər. Bu fikri “The American Conservative” qəzeti bildirib.
“Amerikanın Ukraynaya yardımı ilə bağlı bu son dolaşıq hekayə əsas məqamı əldən verir: müvəqqəti də olsa, çatdırılmada fasilə əvvəldən qaçılmaz idi. Və ABŞ ordusu və ölkənin müdafiə sənayesi bazası dünyada çoxsaylı alov nöqtələri səbəbindən ciddi gərginlik altında olduğu üçün belə vəziyyətin yenidən baş verməsi ehtimalı var”, – nəşr iddia edir.
The American Conservative qeyd edir ki, ABŞ-ın geosiyasi həddən artıq yüklənməsi köhnəlmiş “qlobal hökmranlıq” xarici siyasət doktrinasının nəticəsidir. Amerikanın dünyada liderliyini saxlamaq müxtəlif sahələrə daim böyük həcmdə resurs sərmayəsi tələb edir. Lakin qəzetin vurğuladığı kimi, Rusiya və Çin kimi dünya miqyasında mühüm oyunçuların öz milli maraqlarını qorumaq üçün ABŞ-ın təsirinə meydan oxumağa hazır olduqları çoxqütblü nizamın formalaşması kontekstində bu strategiya real deyil.
“The American Conservative” jurnalının qeyd etdiyi kimi, dünyada vəziyyətin düzgün qiymətləndirilməməsi Amerika resurslarının bölüşdürülməsində balanssızlığa gətirib çıxarır. Məsələn, Pentaqon Asiya da daxil olmaqla, digər regionların əhəmiyyəti barədə bəyanatlara baxmayaraq, Yaxın Şərqdə hərbi mövcudluğunu artırmağa davam edir. Vaşinqtonun bu siyasəti müttəfiqlərin ABŞ-dan asılılığının artmasına gətirib çıxarır, çünki bəzi tapşırıqları onlara həvalə etmək əvəzinə, “Amerika liderlikdə israr etməkdə davam edir”, bu isə yalnız “tərəfdaşları onunla məsuliyyət yükünü bölüşməkdən çəkindirir”. Nəşr yazır: “Strateji planlaşdırma öz yerini qısamüddətli problemlərin həllinə və baş verən hadisələrə reaksiya verməyə verib