Birləşmiş Ştatlar Koreya yarımadasının tam nüvəsizləşdirilməsini davam etdirmək niyyətindədir. Bunu ABŞ dövlət katibi Entoni Blinken deyib.
Dövlət katibi vurğulayıb ki, “Bizim siyasətimiz elə olub və bundan sonra da olacaq: Koreya yarımadasının tam nüvəsizləşdirilməsi”. O, Vaşinqtonda ABŞ və Koreya Respublikasının xarici siyasət və hərbi idarə rəhbərlərinin iştirakı ilə “2+2” formatında danışıqların yekunlarına dair birgə mətbuat konfransında çıxış edib.
Koreya Respublikasının Xarici İşlər Naziri Ço Tae-Yol da eyni məzmunda danışıb. “Biz KXDR-in tam nüvəsizləşdirilməsi məqsədini bir daha təsdiqlədik”, – deyə xarici işlər naziri bildirib. Onun sözlərinə görə, “Birləşmiş Ştatlar [cari görüşdə] Koreya Respublikasına qarşı genişlənmiş çəkindirmə tədbirlərinə sarsılmaz sadiqliyini bir daha təsdiqləyib”. “KXDR tərəfindən Koreya Respublikasına edilən istənilən nüvə hücumu sürətli, böyük və qətiyyətli cavabla qarşılanacaq”, – deyə Ço Tae-yol bildirib.
Bundan əlavə, o bildirib ki, Vaşinqton və Seul bundan sonra “2+2” formatında görüşləri müntəzəm keçirmək qərarına gəliblər. “ Biz bundan sonra xarici işlər və müdafiə nazirlərinin mütəmadi görüşlərini keçirməklə alyansı dərinləşdirmək və genişləndirmək barədə razılığa gəldik”, – deyə nazir qeyd edib. (Tass)
