Ukrayna mineralları ilə bağlı razılaşma ABŞ-ın Kiyevlə hərbi yardım və kəşfiyyat mübadiləsini bərpa etməsi üçün kifayət etməyəcək. Bu barədə NBC telekanalı mənbələrə istinadən məlumat yayıb.
Onların məlumatına görə, Amerika lideri Donald Tramp köməkçilərinə başa salıb ki, sövdələşmədən əlavə, Vladimir Zelenskinin sülh danışıqlarına münasibətini dəyişməsi və ərazi danışıqları da daxil olmaqla, güzəştə getməyə hazır olması zəruridir. Tramp həmçinin Ukraynada seçkilərin keçirilməsi istiqamətində irəliləyiş əldə etməyə çalışır və Zelenskinin istefası barədə düşünməsini istəyir.
Televiziya şirkəti Ağ Evin Milli Təhlükəsizlik Şurasının mətbuat xidmətinin rəhbəri Brayan Hughesdən sitat gətirib: “Prezident Zelenskinin [ABŞ Konqresinin] birgə iclasına mesajını çatdırmaqla, prezident Tramp Ukraynanın müsbət irəliləyiş əldə etdiyini nümayiş etdirdi. Gələn həftə Səudiyyə Ərəbistanında keçiriləcək görüşlərlə biz daha da müsbət irəliləyiş görməyi və nəticədə bu amansız müharibəyə son qoymağı səbirsizliklə gözləyirik”.
