ABŞ diplomatik departamentinin bəyanatında deyilir ki, Dövlət Departamenti Polşaya 360 ədəd AARGM-ER antiradar raketləri və müvafiq avadanlıqların satışını 1,275 milyard dollara təsdiqləyib.
“Dövlət Departamenti Polşa hökumətinə ümumi məbləği təxminən 1,275 milyard ABŞ dolları dəyərində geniş mənzilli radar əleyhinə idarə olunan raketlər və əlaqəli maddi-texniki təchizat və proqram təminatı şəklində hərbi texnikanın potensial satışını təsdiq etmək qərarına gəlib”.
Departament əlavə edib ki, Polşa hökuməti 360 ədəd AARGM-ER raketinin alınmasını xahiş edib və əsas podratçı qismində Northrop Grumman Systems çıxış edəcək.
“Təklif edilən satış NATO müttəfiqinin müdafiə qabiliyyətini artırmaqla ABŞ-ın xarici siyasətini və milli təhlükəsizlik məqsədlərinə dəstək verəcək”, – deyə Dövlət Departamenti bildirib. Onlar qeyd ediblər ki, Polşa raketləri aldıqdan sonra “düşmənin hava hücumundan müdafiəsi ilə əlaqəli yer və ya dəniz radar yayıcılarını sıxışdırmaq və məhv etmək üçün müdafiə imkanlarını gücləndirməklə cari və gələcək təhdidlərə daha yaxşı müqavimət göstərə biləcək. (Tass)