ABŞ tezliklə Qəzza zolağına humanitar yardım aparan üç hərbi yük təyyarəsini Yaxın Şərqə göndərəcək. Bunu ABŞ administrasiyasının yüksək rütbəli nümayəndəsi Qəzza zolağına humanitar yardımın çatdırılması ilə bağlı jurnalistlər üçün keçirilən xüsusi brifinqdə deyib.
Onun sözlərinə görə, Birləşmiş Ştatlar noyabrın 28-də “Amerika ordusunun dəstəklədiyi üç humanitar yardım uçuşundan birincisinin Şimali Sinay və Misirə çatacağını” elan edəcək. “Bu, Qəzzada qışın gəldiyini nəzərə alaraq, dərman, ərzaq yardımı və qış geyimləri də daxil olmaqla, mülki əhaliyə bir sıra əşyaların çatdırılması üçün ediləcək. Bu yardım daha sonra BMT vasitəsilə [[BMT] vasitəsilə] ölkədə ehtiyacı olan mülki şəxslərə çatdırılacaq. Yaxın vaxtlarda Qəzza zolağına növbəti reyslər göndəriləcək”, – deyə rəsmi bildirib. (Tass)