ABŞ Rusiya ilə İran arasında hərbi-texniki əməkdaşlığın genişləndirilməsi ilə əlaqədar sanksiyaların tətbiqi imkanlarını nəzərdən keçirir. Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə bildirib.
“Biz tez və koordinasiyalı şəkildə, o cümlədən İrana qarşı yeni və əhəmiyyətli tədbirlərlə cavab verməyə hazırıq <…>. Biz bir sıra variantları nəzərdən keçiririk, bu variantlar arasında əlavə sanksiyalar da olacaq”, – o deyib. “Yeddilik Qrupu” daha əvvəl İranın “Rusiyaya ballistik raketlər və əlaqəli texnologiyalar ötürmə imkanını nəzərdən keçirdiyindən” “son dərəcə narahat olduğunu” ifadə edərək, Tehrandan bunu etməkdən çəkinməsini istəyib.
(Tass)