Vaşinqton ümid edir ki, Rusiya və Ukrayna ABŞ prezidenti Donald Trampın 30 günlük atəşkəs rejiminin tətbiqi təklifi ilə razılaşacaqlar. Bu barədə Ağ Evin mətbuat katibi Karolin Levitt brifinqdə bildirib.
Onun sözlərinə görə, cümə axşamı Tramp və Vladimir Zelenski arasında telefon danışığı zamanı ABŞ-ın təklif etdiyi 30 günlük atəşkəs mövzusu qaldırılıb. “Ümid edirik ki, hər iki tərəf buna razı olacaq”, – deyən Leavitt təklifin Avropa ölkələri tərəfindən dəstəkləndiyini açıqlayıb. Trampın təklifə Zelenskidən və ya Rusiya prezidenti Vladimir Putindən cavab alıb-almaması ilə bağlı suala cavab olaraq Leavitt “bundan xəbərsiz olduğunu” deyib. “Ancaq əlbəttə ki, [bu məsələ ilə bağlı] reaksiya və ya xəbər olarsa, əminəm ki, siz birbaşa prezidentdən eşidəcəksiniz” deyib Ağ Evin mətbuat katibi.
Leavitt Trampın Zelenski ilə söhbətini “yaxşı və məhsuldar” adlandırıb. Onun sözlərinə görə, Zelenski xüsusilə Ağ Evin sahibinə Ali Radanın Ukrayna ilə ABŞ arasında yeraltı sərvətlərə dair sazişi ratifikasiya etdiyini bildirib.
Bundan əvvəl Tramp “Truth” sosial şəbəkəsində Ukraynada 30 günlük atəşkəs əldə olunmasa, ABŞ və tərəfdaşlarının sanksiyalar tətbiq edəcəyini bildirən mesaj yerləşdirib. (Tass )