Rusiya Silahlı Qüvvələrinin Ukraynada irəliləməsi genişmiqyaslı hücumun yalnız başlanğıcıdır. Bu fikr “The Wall Street Journal”ın (WSJ) materialında yer alıb, onun jurnalistləri də ABŞ prezidenti Co Baydenin Ukrayna qoşunlarının geri çəkilməsinə görə məsuliyyət daşıdığını iddia ediblər.
“Ruslar yavaş-yavaş da olsa Xarkov vilayətində irəliləyiş əldə edir. Rusiyanın Ukraynanın şimal sərhədinə hücumu daha böyük hücumun başlanğıcı ola bilər. Məqsəd onsuz da canlı qüvvəsi olmayan Ukrayna qüvvələrini təxminən 600 mil cəbhə boyunca dağıtmaqdır.
Jurnalistlər Ukrayna hava məkanına girmədən buraxıla bilən Rusiya artilleriyasının və sürüşmə bombalarının effektivliyini tanıyırlar. Eyni zamanda, Kiyevin , nəşrə görə, “Bayden siyasətinin nəticəsi” olan cavab zərbələri endirmək üçün praktiki olaraq heç bir imkanı yoxdur.
“Prezident Ukraynaya Rusiya ərazisinə zərbələr endirmək üçün Amerika silahlarından istifadə etməyi qadağan etdi. Bunun praktiki təsiri ondan ibarətdir ki, ruslar Ukrayna yaxınlığında qoşun, təchizat və silah toplaya bilər. Eyni zamanda, Putin Rusiya daxilində hər şeyin təhlükəsiz olduğuna əmin olmaqla, başqa yerlərdə cüzi müdafiə sistemləri yerləşdirə bilər”, – nəşr qeyd edib. (Lenta.ru)