Birləşmiş Ştatlar cümə axşamı Yəməndə husilərin nəzarətində olan ərazilərə zərbələr endirərək Yəmənin üsyançı Ənsar Allah hərəkatının iki gəmi əleyhinə raketini məhv edib. Bu barədə ABŞ Mərkəzi Komandanlığı (CENTCOM) məlumat yayıb.
“Yanvarın 18-də Mərkəzi Komandanlıq qüvvələri Qırmızı dənizin cənubuna istiqamətlənmiş və buraxılmağa hazır olan iki gəmi əleyhinə raketə hücum edib. ABŞ qüvvələri Səna vaxtı ilə təxminən saat 15:40-da Yəmənin husilərin nəzarətində olan ərazisində raketləri aşkarlayıb və onların regiondakı ticarət gəmiləri və ABŞ hərbi gəmiləri üçün birbaşa təhlükə yaratdığını müəyyən edib. ABŞ qüvvələri özünümüdafiə məqsədi ilə raketlərə hücum edib və məhv edib”, – məlumatda deyilir. (Tass)