ABŞ Maliyyə Nazirliyi enerji resursları, Suriya hakimiyyət orqanları ilə bağlı əməliyyatları və bu ərəb respublikasının Mərkəzi Bankı vasitəsilə pul köçürmələrini Amerika sanksiyalarından azad edib. Müvafiq ümumi lisenziya Amerika Birləşmiş Ştatlarının Maliyyə Nazirliyi tərəfindən nəşr edilmişdir.
Sənəddə qeyd olunduğu kimi, enerji resursları və Suriya hakimiyyəti ilə bağlı əvvəllər qəbul edilmiş prezident fərmanları ilə əlaqədar qadağan edilmiş əməliyyatlara “ABŞ-ın şərq sahili vaxtı ilə iyulun 7-də saat 12:01-dək (Bakı vaxtı ilə 08:01) icazə verilir. Söhbət “8 dekabr 2024-cü il tarixindən sonra Suriyada dövlət qurumları ilə əməliyyatlar, neft, neft məhsulları, təbii qaz və elektrik enerjisi də daxil olmaqla enerji resurslarının Suriyaya və ya onun ərazisinə satışı, tədarükü, saxlanması və ya bağışlanmasını dəstəkləyən əməliyyatlardan, Suriya Mərkəzi Bankı da daxil olmaqla qeyri-kommersiya şəxsi pul köçürmələrinin Suriyaya köçürülməsi üçün ümumiyyətlə baş verən və zəruri olan əməliyyatlardan gedir.