ABŞ, Avropa Birliyi, Avstraliya, Kanada, Fransa, Almaniya, İtaliya, Yaponiya, Səudiyyə Ərəbistanı, Birləşmiş Ərəb Əmirlikləri və Qətər İsrail-Livan sərhədində dərhal atəşkəs əldə etməyə çağırıb. Bu barədə Ağ Evin mətbuat xidmətinin yaydığı birgə bəyanatda deyilir.
Sənəddə deyilir: “Biz Livan-İsrail sərhədində dərhal 21 günlük atəşkəsə çağırırıq ki, diplomatiya diplomatik həll yolu tapsın”.
Bu dövlətlər həmçinin İsrail və Fələstin radikal HƏMAS hərəkatı arasında Qəzza zolağında atəşkəs və girovların azad edilməsi ilə bağlı razılığın əldə edilməsinə dəstək məqsədilə Birləşmiş Ştatlar tərəfindən hazırlanmış BMT Təhlükəsizlik Şurasının 2735 saylı qətnaməsinin icrasına çağırıblar. (Tass)