ABŞ və Koreya Respublikası mülki nüvə enerjisi sahəsində əməkdaşlığa dair ilkin razılıq əldə ediblər. Bu barədə ABŞ Energetika Nazirliyinin saytında yerləşdirilən məlumatda deyilir.
Sənədə əsasən, noyabrın 1-də Vaşinqton və Seul “nüvə [enerji] ixracı və əməkdaşlığı ilə bağlı prinsiplərə dair anlaşma memorandumunu paraflamaqla mülki nüvə enerjisi sahəsində əməkdaşlıqda irəliləyiş əldə ediblər”. Bəyanatda vurğulanır ki, ölkələr “mülki nüvə enerjisi sahəsində texnologiyaların ixracına nəzarəti gücləndiriblər”.
Sənəddə deyilir ki, sazişlər ABŞ və Koreya Respublikasına “iqlim dəyişikliyi ilə mübarizə üzrə ikitərəfli işi genişləndirməyə, qlobal enerji keçidini sürətləndirməyə və əsas təchizat zəncirlərinin fəaliyyətini təmin etməyə” imkan verəcək. Bəyanatda deyilir ki, bu sazişlər “iki ölkənin paytaxtlarında nəhayət nəzərdən keçiriləcək”. (Tass)