ABŞ və Yaponiya Yaponiyanın əsas adalarından biri olan Kyushu adasından Şərqi Çin dənizində Tayvana qədər uzanan Yaponiyanın cənub-qərbindəki Nansey adalarında mövcudluğunu genişləndirməyi müzakirə ediblər. Bunu Pentaqonun rəhbəri Lloyd Ostin Yaponiya və ABŞ-ın xarici siyasət və müdafiə nazirlikləri rəhbərlərinin Tokioda “2+2” formatında görüşündən sonra keçirilən mətbuat konfransında deyib.
“Biz cənub-qərb adalarında ikitərəfli mövcudluğumuzu genişləndirmək yollarını müzakirə etdik və yerli koordinasiyanın oradakı fəaliyyətimizi davam etdirmək üçün vacib olduğunu qəbul etdik” dedi.
Ostin həmçinin ABŞ və Yaponiya arasında Qarşılıqlı Əməkdaşlıq və Təhlükəsizlik Müqaviləsinin 5-ci maddəsinin Tokio və Pekin arasında ərazi mübahisəsinin predmeti olan Senkaku (Diaoyu) adalarına şamil olunduğunu təkrarlayıb. “Mən nüvə imkanlarımız da daxil olmaqla, bütün imkanlarımızdan istifadə edərək Yaponiyanı müdafiə etmək üçün güclü öhdəliyimizi təsdiqlədim. Bir daha qeyd edim ki, Qarşılıqlı Təhlükəsizlik Müqavilənin 5-ci maddəsi Senkaku adalarına da aiddir”, – Ostin bildirib. (Tass)