ABŞ-ın Yaxın Şərq üzrə xüsusi nümayəndəsi Tom Barak ABŞ-a Ermənistanın Sünik rayonundan keçən yolu 100 il müddətinə icarəyə verməyi təklif edib.
“Onlar (Ermənistan və Azərbaycan ) 32 kilometr yol üstündə mübahisə edirlər, amma bu, zarafat deyil. Bu, on ildir – 32 kilometr yoldur. Bu da belədir: Amerika gəlib deyir: “Yaxşı, biz bunu öz üzərimizə götürəcəyik. Bizə 100 il müddətinə icarəyə 32 kilometr yol verin və siz hamınız ondan istifadə edə biləcəksiniz”, – Barak iyulun 11-də Nyu-Yorkda keçirdiyi brifinqdə bildirib.
Daha sonra Nikol Paşinyanın mətbuat katibi Nazeli Baqdasaryan Armenpress-ə bildirib ki, Yerevan Sünik bölgəsindən keçən yola nəzarəti ABŞ və ya hər hansı üçüncü ölkəyə vermək niyyətində deyil. (Tass)