ABŞ yaxın həftələrdə İrandakı nüvə obyektlərinə zərbələr endirməyi planlaşdırır. Bu barədə “The Daily Mail” qəzeti anonimlik şərti ilə məlumat verən israilli siyasətçilərə və hərbçilərə istinadən məlumat yayıb.
İsrail hökumətindəki yüksək vəzifəli mənbə nəşrə deyib: “Bu, çoxdan edilməli idi. Buna son qoymağın vaxtıdır”. “Bunlar çılğın tələblər deyil. Bu, İsraildə və bütün dünyada sabitlik üçün son dərəcə vacibdir”, – o, İran hakimiyyətindən respublikanın nüvə proqramı ilə bağlı danışıqları bərpa etməyi tələb edən ABŞ prezidenti Donald Trampın sözlərini şərh edərkən əlavə edib.
İsrail diplomatik dairələrindəki mənbə izah edib ki, yəhudi dövlətinin rəhbərliyi Trampın Ağ Evə qayıdışını “İranla məşğul olmaq üçün ən yaxşı an” hesab edir və başqa belə bir fürsət özünü təqdim etməyəcək. “The Daily Mail”ə də şərh verən İsrail hərbi rəsmisinin sözlərinə görə, İsrail təyyarələrinin son bir ildə Suriya, İran və İraq ərazilərinə endirdiyi zərbələr nəticəsində “böyük hava əməliyyatı həyata keçirmək üçün əsas maneələr – İranın etibarlı qüvvələrinin hava hücumundan müdafiə sistemləri” aradan qaldırılıb. (Tass)