Birləşmiş Ştatlar, əsasən, hava hücumundan müdafiə və raketdən müdafiə sistemlərinin operatorları olmaqla, Yaxın Şərqə daha 900-ə yaxın hərbçi göndərir. Bu barədə Pentaqonun mətbuat katibi briqada generalı Patrik Rayder jurnalistlər üçün keçirdiyi növbəti brifinqdə bildirib.
“Mən təsdiq edə bilərəm ki, [Yaxın Şərqdə] vəziyyətlə bağlı ilkin açıqlamamızdan bəri təxminən 900 əlavə qoşun ABŞ Mərkəzi Komandanlığının məsuliyyət zonasına yerləşdirilib və ya hazırda yerləşdirilir”. Rayder aydınlaşdırıb ki, onlar əsasən hava hücumundan müdafiə və raketdən müdafiə sistemlərinin operatorlarıdır.
ABŞ Mərkəzi Komandanlığı Yaxın Şərq və Mərkəzi Asiyada əməliyyatların planlaşdırılmasına və qoşunların idarə edilməsinə cavabdehdir. (Tass)