Birləşmiş Ştatlar İrana “güclü xəbərdarlıq” göndərir və Yaxın Şərqdə vəziyyət pisləşdiyindən təmkinli olmağı xahiş edir. Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi CNN-ə bildirib.
“Əlbəttə, qoşunlarımızı və obyektlərimizi qorumaq üçün lazım gələrsə, hərəkətə keçəcəyik… Bu, İranın diqqət etməli olduğu güclü xəbərdarlıqdır… Biz regionda milli təhlükəsizlik maraqlarımızı ciddiyə alırıq, ona görə də prezident [ABŞ Co Bayden] iki aviadaşıyıcı zərbə qrupunu yerləşdirib”, – Kirbi bildirib.
Kirbi həmçinin əlavə edib ki, Birləşmiş Ştatlar ordunu “istəndiyi zaman” qorumaq üçün qərarlar qəbul edəcək.
Pentaqonun rəhbəri Lloyd Austin bir müddət əvvəl İranyönlü qrupların Yaxın Şərqdə ABŞ qüvvələrinə hücumlarını davam etdirəcəyi təqdirdə ABŞ Müdafiə Nazirliyinin “əlavə lazımi tədbirləri” görəcəyini bildirib. Oktyabrın 26-da ABŞ Hərbi Hava Qüvvələrinə məxsus iki F-16 qırıcısı Vaşinqton administrasiyasının məlumatına görə, İslam İnqilabı Keşikçiləri Korpusuna (İİKK, İran Silahlı Qüvvələrinin elit bölmələri) aid olan silah və sursatların olduğu anbarlara hava zərbələri endirib. Pentaqonun məlumatına görə, oktyabrın 17-dən bəri İranyönlü qruplar Amerika hərbçilərinə qarşı pilotsuz təyyarələr və raketlərdən istifadə etməklə 20-yə yaxın hücum həyata keçirib. (Tass)