Gürcüstanda parlament seçkiləri zamanı radikal qüvvələrin mümkün təxribatları ilə əlaqədar oktyabrın 23-dən oktyabrın 30-dək Abxaziyanın Gürcüstanla dövlət sərhədindən insanların keçidi müvəqqəti olaraq dayandırılacaq. Bu barədə prezidentin mətbuat xidməti Respublika Təhlükəsizlik Şurasının iclasının yekunlarına dair məlumat yayıb.
“Abxaziya prezidenti Aslan Bjaniya respublikanın Təhlükəsizlik Şurasının iclasını keçirib. Sərhəd rayonlarında PUA-ların qeyri-qanuni uçuşları ilə bağlı artıq mövcud olan məlumatları nəzərə alaraq, Dövlət Təhlükəsizlik Xidməti Abxaziya-Gürcüstan sərhədindən vətəndaşların keçidinin müvəqqəti olaraq dayandırılmasını təklif edib. 2024-cü il oktyabrın 23-dən oktyabrın 30-dək Gürcüstanda parlament seçkiləri zamanı radikal qüvvələrin mümkün təxribatları ilə əlaqədar olaraq keçid dayandırılacaq. Təhlükəsizlik Şurasının üzvləri Dövlət Təhlükəsizliyi Xidmətinin İnqur sərhəd-keçid məntəqəsinə girişin dayandırılması ilə bağlı təklifini bəyənib, istisnalar var”, – hesabatda deyilir. (Tass)