Energetika Nazirliyindən AZƏRTAC-a bildirilib ki, qazın 3,4 milyard kubmetri “Azəri-Çıraq-Günəşli”nin, 6,8 milyard kubmetri “Şahdəniz”in, 0,4 milyard kubmetri “Abşeron” yatağının, 2 milyard kubmetri isə SOCAR-ın payına düşüb.
Hesabat dövründə xaricə qaz satışı 6,25 faiz azalaraq 6 milyard kubmetr təşkil edib. Bundan 3 milyard kubmetr (6,25 faiz azalma) Avropaya, 2,3 milyard kubmetr (ötən illə eyni) Türkiyəyə, 0,7 milyard kubmetr (22,22 faiz azalma) Gürcüstana satılıb. O cümlədən TANAP-la 1,4 milyard kubmetr (7,7 faiz artım) qaz nəql olunub.
“Azəri-Çıraq-Günəşli” və “Şahdəniz” yataqları istismara veriləndən 1 aprel 2025-ci il tarixinədək 655,2 milyon tona yaxın neft (kondensatla birlikdə), 476,8 milyard kubmetr qaz hasil edilib. “Azəri-Çıraq-Günəşli”dən 605,6 milyon ton neft, 233,2 milyard kubmetr qaz, “Şahdəniz”dən isə 49,6 milyon tona yaxın kondensat, 243,6 milyard kubmetr qaz çıxarılıb. Bundan təqribən 653,2 milyon ton neft və 174,8 milyard kubmetr qaz ixraca nəql edilib.