Amerika hakimiyyəti Rusiya Federasiyası ilə Qərb arasında məhbus mübadiləsi məsələsində Rusiya prezidenti Vladimir Putinlə birbaşa əlaqə saxlamayıb. Bunu jurnalistlər üçün keçirdiyi növbəti brifinqdə ABŞ prezidentinin milli təhlükəsizlik üzrə köməkçisi Ceyk Sallivan deyib.
“Vladimir Putinlə heç bir birbaşa əlaqə olmayıb”, o deyib.
Bundan əvvəl Rusiya prezidenti məhkum edilmiş rusların və əsir mübadiləsində iştirak edən xarici vətəndaşların əfv edilməsi haqqında fərman imzalayıb . Fərmanların imzalanması qərarı xarici dövlətlərin ərazisində saxlanılan və həbsdə olan Rusiya Federasiyası vətəndaşlarının geri qaytarılması məqsədi ilə qəbul edilib. (Tass)