Amerika administrasiyası ABŞ prezidenti Co Baydenin Vaşinqtona gözlənilən səfəri zamanı İsrailin baş naziri Binyamin Netanyahu ilə görüşmək niyyətində olub-olmamasına aydınlıq gətirməkdən imtina edib.
Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlər üçün keçirilən müntəzəm onlayn brifinqdə Baydenin Netanyahunu İsrail rejiminə səfəri zamanı qəbul edib-etməyəcəyinə aydınlıq gətirmək istənildikdə, “Prezidentin cədvəli ilə bağlı deyəcək heç nəyim yoxdur” deyib. İsrail hökumət başçısı ABŞ Konqrsində çıxış etmək üçün Vaşinqtondadır. Nümayəndələr Palatasının spikeri Mayk Conson bir müddət əvvəl İsrailin baş nazirinin iyulun 24-də Konqresdə çıxış edəcəyini təsdiqləyib.
Bundan əlavə, Kirbi qeyd edib ki, ABŞ-ın İsrailə F-15 qırıcı-bombardmançı təyyarələrini təhvil verməsi “təsdiqlənərsə, 2029-cu ilə” planlaşdırılıb. “Bu proses davam edir və [Qəzza zolağındakı] hazırkı münaqişə ilə bağlı deyil”, – Ağ Ev sözçüsü bildirib. (Tass)
