Birləşmiş Ştatlar hesab edir ki, Ukraynanın hava şəraitinə görə əks-hücum keçirməsinə təxminən 6-8 həftə qalıb. Bu qiymətləndirməni jurnalistlər üçün keçirdiyi brifinqdə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi səsləndirib.
Suala cavab verən Kirbi vurğulayıb ki, Ukraynaya yardımı davam etdirmək üçün Ağ Evin əlavə maliyyə məsələsində razılığa gəlməli olan Konqresin dəstəyinə ehtiyacı var. “Biz heç bir fasilə olmadığına və xüsusilə əks-hücumun payızda davam etdiyi bir vaxtda onlara kömək etməyə davam edə biləcəyimizə əmin olmaq istəyirik” deyə Kirbi bildirib.
“Havanın döyüş əməliyyatlarına imkan verəcəyinə təxminən altı-səkkiz həftə qalıb və biz Ukraynanın uğur qazanacağına əmin olmaq istəyirik”, – Ağ Evin sözçüsü bildirib. “Vaxt bizim tərəfimizdə deyil” deyən Kirbi havanın bir neçə aydan sonra pisləşəcəyi tezisini təkrarlayıb. Onun sözlərinə görə, bu, hər iki tərəfin hərbi əməliyyatlar keçirməsini çətinləşdirəcək. (Tass)