Amerika administrasiyası iddia edir ki, Moskva yaxınlığındakı Crocus City Hall konsert zalında törədilən terror aktına görə məsuliyyəti yalnız Rusiyada qadağan olunmuş İslam Dövləti (İD) terror qruplaşması daşıyır.
Ağ Evin Milli Təhlükəsizlik Şurasının (MTŞ) strateji kommunikasiyalar üzrə koordinatoru Con Kirbi Krasnoqorskda törədilən terror aktını şərh edərkən, “Və siz də gördünüz ki, biz bu hücuma görə yalnız İŞİD-in məsuliyyət daşıdığını bildirdik”. Amerika rəsmisi heç bir sübut təqdim etməyib. O, həmçinin Ukraynanın terror aktında əli olması ehtimalını təkzib edib.
MTN rəsmisi ABŞ-ın Krasnoqorskdakı terror aktını pislədiyini təsdiqləyib. Kirbi, “Biz bu hücumu şiddətlə qınamağa davam edirik” dedi. “Demək istədiyim odur ki, burada qurbanlar ruslar olub. Dünyanın başqa hər hansı digər mülki vətəndaşları kimi, onlar da, əlbəttə ki, buna layiq deyildilər”, – Ağ Evin sözçüsü bildirib. “Aydın dediyimiz kimi, biz martın əvvəlində Rusiyaya planlaşdırılan terror aktı ilə bağlı xəbərdarlıq etdik. Və gördüyünüz kimi, biz martın 7-də Rusiyadakı amerikalılara açıq xəbərdarlıq etdik”, – Kirbi əlavə edib.
Ağ Evin mətbuat katibi Karine Jean-Pierre brifinqdə bildirib ki, Krokus Siti Hollda törədilən terror aktında Ukraynanın hazırkı hakimiyyətinin əli yoxdur. “Biz İŞİD-in törətdiyi terror aktından danışırıq”, – deyə o, Rusiya rəhbərliyinin “bunu çox yaxşı anladığını və bildiyini” bildirib. Onun fikrincə, “Ukrayna hökumətinin bu hücumda hər hansı bir şəkildə iştirak etdiyinə dair heç bir sübut yoxdur”. “Biz bunu çox açıq şəkildə bildirdik” dedi Jean-Pierre.
(Tass)