ABŞ Livanla sərhəddə vəziyyətin kəskin pisləşməsi fonunda hələlik İsrailə silah tədarükünü sürətləndirməyi planlaşdırmır. Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlər üçün keçirilən müntəzəm onlayn brifinqdə bildirib.
O, müvafiq məsələyə toxunaraq, “Hazırda elan edəcək heç nəyim yoxdur” deyib. Kirbinin sözlərinə görə, yəhudi dövlətinə Amerika silahlarının tədarükü 2023-cü il oktyabrın 7-də Fələstin radikal HƏMAS hərəkatının yaraqlılarının Qəzza zolağından hücumundan sonra “düzgün sürətlə gedir”. “Bu baxımdan heç nə dəyişməyib” deyib. (Tass)
