Qəzza zolağındakı vəziyyətlə bağlı Qahirədə çoxtərəfli danışıqlar və Fələstinin HƏMAS radikal hərəkatı tərəfindən saxlanılan qalan girovların azad edilməsinə dair mümkün yeni razılaşma konstruktiv şəkildə davam edir və düzgün istiqamətdə gedir. Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə bildirib.
“Biz şadıq ki, bu danışıqlar davam edir. Və dediyim kimi, onlar konstruktivdir və düzgün istiqamətdə hərəkət edir”, – o, müzakirələrin məzmunu ilə bağlı əlavə məlumat verməkdən imtina edib. “Mən danışarkən davam edən müzakirələrdən irəli getmək istəmirəm” deyib Kirbi.
Çərşənbə axşamı Qahirədə Misir, ABŞ, Qətər və İsrail nümayəndələri arasında məşvərət görüşü keçirilir. Burada Fələstin sektorunda münaqişə tərəfləri arasında Qəzzada radikalların əlində olan girovların İsrail həbsxanalarında məhbus olan fələstinlilərlə dəyişdirilməsinə dair mümkün razılaşma, habelə anklavda atəşkəs rejiminin yaradılması perspektivləri müzakirə olunur. (Tass)