Ağdamı tək tərk etmişdim, indi həyat yoldaşım, iki övladım, gəlinimlə qayıdıram. Böyük oğlum həkimdir.
“Report” xəbər verir ki, bunları jurnalistlərə Ağdam rayonunun Sarıcalı kənd sakini Dərya Cəfərova deyib.
“Çox sevincliyəm. Bu günə şükür olsun. Allah bu günü digər keçmiş məcbur köçkünlərə də nəsib etsin. Onlar da tezliklə öz yurdlarına qayıtsın.
Prezidentimiz, qazilərimiz, şəhidlərimizin sayəsində yurdumuza qayıdırıq. Sevincimin həddi-hüdudu yoxdur.
Ermənilər Ağdamı viran etmişdilər. Amma indi ora çox gözəl bərpa edilib”, – o əlavə edib.
Qeyd edək ki, Ağdam rayonunun Sarıcalı kəndinə növbəti köç karvanı yola salınıb. Kəndə daha 28 ailə qayıdıb. Beləliklə, bugünkü köç də nəzərə alınmaqla Sarıcalı kəndinə köçürülən ailələrin ümumi sayı 37-yə (146 nəfər) çatıb.