2024-cü ildə Gürcüstanda keçiriləcək parlament seçkilərinin keyfiyyəti ölkənin Avropa İttifaqı ilə daha da yaxınlaşmasının amillərindən biri olacaq. Bunu Aİ-nin Gürcüstandakı səfiri Pavel Qerçinski deyib.
“Biz 9 addım müəyyən etmişik. Onlardan bəziləri çox tanışdır, çünki onlar 12 prioritetin tərkib hissəsidir, icrası davam edir. Qalanları yenidir, biri də azad və ədalətli seçkilərdir. Bu, demokratiyanın dayağıdır. Bu, 12 prioritetdir”. Həm də təkcə seçki günü deyil, bütün seçkiqabağı dövr”, – Qerçinski jurnalistlərə bildirib.
Səfir ümidvar olduğunu bildirib ki, seçkilərdə bütün namizəd partiyalara bərabər imkanlar yaradılacaq və ən əsası heç bir zorakılıq olmayacaq.
Avropa Komissiyasının rəhbəri Ursula fon der Leyen daha əvvəl bildirmişdi ki, təşkilat Aİ Şurasına Gürcüstana ittifaq üzvlüyünə namizəd statusunun verilməsini tövsiyə edir. Avropa Komissiyası Gürcüstanda aparılan islahatları müsbət qiymətləndirib, lakin bəyan edib ki, ölkədə hələ görüləsi işlər var. Aİ Şurası Gürcüstana namizəd statusunun verilməsi məsələsi üzrə yekun rəyi dekabrda açıqlayacaq. (Tass)