Türkiyənin hansı beynəlxalq bloklara qoşulacağını seçmək hüququ var, lakin o, hələ də Aİ üzvlüyünə namizəd ölkədir və cəmiyyətin dəyərlərinə hörmət etməlidir. Bunu Brüsseldə keçirdiyi mətbuat konfransında Aİ-nin Xarici İşlər üzrə nümayəndəsi Peter Stano Ankaranın BRİKS-ə qoşulmaq niyyətində olması ilə bağlı xəbərləri şərh edərkən bildirib.
“Hər bir dövlət kimi Türkiyənin də onun üçün nəyin yaxşı olduğuna qərar vermək hüququ var. Münasibətlərimizə gəlincə, Türkiyə Aİ-yə üzv olmaq üçün namizəd ölkədir, bizim gömrük ittifaqımız və çox yaxşı ticarət əlaqələrimiz var”. Stanonun sözlərinə görə, namizəd ölkələr Aİ dəyərlərinə və sazişlər üzrə öhdəliklərinə hörmət etməlidirlər. “Biz namizəd dövlətlərin Aİ dəyərlərini bölüşmələrini və xarici siyasətlərini bizimkinə uyğunlaşdırmalarını gözləyirik” deyə əlavə edib. (Tass)
