Avropa İttifaqı Federal Penitensiar Xidmətə, həmçinin Aleksey Navalnı, “Memorial”ın həmsədri Oleq Orlov, rəssam Saşa Skoçilenko və digər məhbusların işlərində iştirak etmiş 19 müstəntiq, prokuror və hakimə qarşı sanksiyalar tətbiq edib. Siyahı, Aİ-nin fikrincə, Rusiya Federasiyasında insan hüquqlarını pozanlara qarşı yeni sanksiyalar rejiminin bir hissəsi kimi təsdiq edilib.
“Aİ Rusiyada insan hüquqlarının pozulmasını və daxili repressiyaları pisləməkdə qətiyyətli qalır. Vəziyyətin ciddiliyini nəzərə alaraq Şura hesab edir ki, fiziki və hüquqi şəxslər siyahısına 19 fiziki və 1 hüquqi şəxs əlavə edilməlidir”, – rəsmi Aİ jurnalı , müvafiq qaydaların dərc edildiyini bildirib.
Sanksiya siyahısına, xüsusən də Moskva Şəhər Məhkəməsinin hakimi Tatyana Dodonova, FSIN inspeksiyasının rəhbəri Aleksandr Ermolenko, prokuror Aleksandr Qladışev, RF İstintaq Komitəsinin müstəntiqi İlya Savçenko, Moskvanın Qolovinski Rayon Məhkəməsinin hakimi Yelena Astaxova və Ali Məhkəmənin hakimi Nikolay daxildir.
Bütün şəxslərin Avropa İttifaqı ərazisinə daxil olması qadağandır və onların aktivləri, Aİ ölkələrində aşkar edilərsə, dondurulacaq. (Tass)